Գուրգեն Խանջյան

Վիքիպեդիայում կան հոդվածներ Խանջյան ազգանունով այլ մարդկանց մասին։

Գուրգեն Վազգենի Խանջյան
Ծնվել է	հունվարի 25, 1950(1950-01-25) (74 տարեկան)
Ծննդավայր	Երևան, Հայկական ԽՍՀ, ԽՍՀՄ
Մասնագիտություն	թարգմանիչ, արձակագիր, դրամատուրգ և խմբագիր
Քաղաքացիություն	ԽՍՀՄ, Հայաստան
Կրթություն	Հայաստանի ազգային ագրարային համալսարան
Անդամակցություն	ՀԳՄ
Պարգևներ
Գուրգեն Խանջյան Վիքիդարանում

Գուրգեն Վազգենի Խանջյան (հունվարի 25, 1950(1950-01-25), Երևան, Հայկական ԽՍՀ, ԽՍՀՄ), հայ արձակագիր, դրամատուրգ, թարգմանիչ, Հայաստանի գրողների միության անդամ։

Կենսագրություն

Ծնվել է Երևանում։ Ավարտել է Երևանի գյուղատնտեսական ինստիտուտը։ Առաջին անգամ տպագրվել է 1987 թվականին «Պիոներ» (այժմ՝ «Աղբյուր») ամսագրում։

Նրա ստեղծագործությունները թարգմանվել են ռուսերեն, անգլերեն, պարսկերեն, վրացերեն, ռումիներեն։ Արժանացել է «Ոսկե եղեգն» պետական, ՀԳՄ երկու՝ արձակի և դրամատուրգիայի, «Նարցիս» ամսագրի ամենամյա մրցանակներին։ 2011 թ. սեպտեմբերի 3-ին Հայաստանի Հանրապետության անկախության 20-րդ տարեդարձի առթիվ, արվեստի և մշակույթի բնագավառներում ունեցած ստեղծագործական ակնառու նվաճումների համար պարգևատրվել է Մովսես Խորենացու մեդալով։

Երկերի մատենագիտություն

• Հիվանդանոց (վեպ), Երևան, 1994, 316 էջ։
• Շարժասանդուղք (պատմվածքներ), Երևան, 1994, 218 էջ։
• Ստվերներ խամաճիկների փողոցում (պատմվածքներ, վիպակ, պիեսներ), Երևան, 1998, 180 էջ։
• Սպանել փրկչին (վիպակներ և պիեսներ), Երևան, 2001, 318 էջ։
• Նստիր Ա գնացքը, Երևան, 2002, 294 էջ։
• Մարդկանց տուն ուղարկիր (կոլաժներ, էսսեներ, վիպակ, պիեսներ), Երևան, 2004, 192 էջ։
• Լուր չկա (վեպ), Երևան, 2006, 168 էջ։
• Թատրոն 301 (պիեսներ), Երևան, 2008, 496 էջ։
• Թատրոն 301 (պիեսներ), Երևան, 2009, 496 էջ։
• Նամակներ ընթացքից (պատմվածք, էսսե, կոլաժ), Երևան, 2009, 272 էջ։
• Ենոքի աչքը (վեպ), Երևան, 2011, 282 էջ։
• Հիվանդանոց (վեպ), Երևան, 2011, 209 էջ։
• Արտավազդ-Շիդար (պիեսներ), Երևան, 2015, 672 էջ։
• Մատնագիր (կենսագրությունն ըստ ենթագիտակցության), Երևան, 2015, 144 էջ։
• Լուր չկա (վեպ), Երևան, 2016, 204 էջ։
• Տուր ձեռքդ, պստլո (վեպ), Երևան, 2017, 328 էջ։

Թարգմանությունները (ռուսերենից)

• Կենձաբուրո Օէ, պատմվածքների ժողովածու, 1998

Բեմադրված պիեսները

• Երևանի դրամատիկական թատրոն («Բարև, սրիկաներ», «Վեցերորդ պատվիրան»)
• Երևանի կոմեդիայի թատրոն («Ինձնից պրծում չկա», «Էսպես մինչև երբ»)
• Թբիլիսիում («Գերեզմանատան երգչախումբ», «Ավերակների պահակները»)
• Վանաձորում («Բոլերո»)
• Ստեփանակերտում («Բոլերո», «Ավերակների պահակները»)
• Լոս Անջելեսում («Ավերակների պահակները»)
• Հալեպում («Տիգրան Մեծ»)
• Շրջիկ թատրոններում («Բարի գալուստ», «Աթոռակռիվ»)
• Հեռուստատեսությամբ («Երևանյան հիվանդությամբ», «Լաբիրինթոս»)
• Ռադիոյով («Գերեզմանատան երգչախումբ»)
• Նրա սցենարով բեմադրվել է 1996 թվականի Հանրային հեռուստատեսության տարեմուտի հանդեսի մանրապատումներ («Ազատ շուկա», «Ազատ շուկա-2»)

Գ. Խանջյանի սցենարով ֆիլմեր

• Լռության սիմֆոնիա (ռեժիսոր՝ Վիգեն Չալդրանյան)
• Մաեստրո
• ԱՄՆ-ում պատրաստվում է նկարահանման «Գոռ իշխան» ֆիլմը

Խմբագրած պարբերականներ

• Հորիզոն
• Սատիրիկոն
• Գրեթերթ

Արտաքին հղումներ

• Գրանիշ
• zarkfoundation.com
• Ուր նայում ես՝ երկրի կործանման կադրերը գալիս խփում են դեմքիդ
• Համբերություն քեզ, մարդ ջան...